Përgatiti për “ www.shendeti.com.al”: Elena Beta
Djegia nga dielli ndodh kur lëkura ekspozohet shumë ndaj rrezatimit të diellit. Ka shumë produkte të cilat mund t’i keni në shtëpi që ju ndihmojnë për trajtimin e djegieve nga dielli të cilat mund t’i përdorni gjithashtu për të zbutur lëkurën e ashpërsuar, për të redukuar inflamacionin si dhe për t’u shëruar më shpejt.
Para së gjithash, Dr. Jennifer Robinson, dermatologe në klinikën “VitaDocs” thotë se nuk duhet të plasni flluskat, nëse nuk është e dhimbshme dhe e madhe. Lëngu në flluskë e mban lëkurën nën flluskë të pastër dhe të pa dëmtuar.
Aloe Vera është një nga përbërësit më të mirë natyrorë që mund të përdorni për të zbutur lëkurën e nxirë nga dielli dhe për të trajtuar djegien nga dielli. Aloe Vera përmban shumë përbërës të cilët e bëjnë atë një hidratant të shkëlqyer me efekte shumë të mira në shërimin e plagëve. Aloe Vera gjithashtu ka veti anti-inflamatore të cilat mund të ndihmojnë uljen e inflamacionit shkaktuar nga rrezet e dëmshme të diellit.
Thjesht lyeni pjesën e dëmtuar të lëkurës me xhelin e nxjerrë prej gjethes Aloe Vera.
Mjalti është një nga përbërësit më të pastër e natyrës dhe mund të bëjë mrekulli për lëkurën tuaj. Mjalti ndihmon për të mbajtur lëkurë të shëndetshme dhe mund të përdoret për trajtimin e lëkurës së irrituar nga djegja prej rrezece të forta të diellit.
Ju mund të aplikoni mjaltë direkt në lëkurën e djegur nga dielli për të lehtësuar acarimin, skuqjen dhe të përshpejtoni procesin e shërimit.
Gjithashtu mund të kombinohen mjaltë me aloe vera për të bërë një trajtim shumë efektiv natyror.
Burimi: healthyandnaturalworld / shendeti.com.al
