Shpesh na ndodh të përballemi me problemet që vijnë nga mungesa e gjumit ( lodhje, dobësim i trupit). Zbuloni se si të përdorni vajrat e duhur esencialë për të trajtuar këto probleme:
Livando: vaji i livandos është një nga vajrat që ka aftësi t’ju ndihmojë me gjumin. Hulumtuesit kanë arritur në disa përfundime premtuese. Pas injektimit të kafeinës tek minjtë u vu re tek ta një gjendje hiperaktive. Një grup i studiuesve zbuloi se era e livandos ndikoi për t’i sjellë ata përsëri në gjëndje normale.
Një tjetër studim arriti në përfundimin se nëse lani këmbët me livando mund të rrisni qarkullimin e gjakut. Aplikimi i disa pikave nga ky vaj në trup para se të shkoni në shtrat është tepër efektiv dhe ju ndihmon të bëni një gjumë të qetë.
Sanëz: Studiuesit thonë se acidi valerenik, përbërës i vajit të sanëzës, ka efekte qetësuese. Shumë njerëz pinë pak nga ky vaj të tretur në një gotë me ujë, gjysmë ore para gjumit. Ka efektë të mahnitshme.
Kamomil: Hulumtuesit raportojnë se vaji i kamomilit mund të shërbejë si një qetësues për nervat dhe për të ulur ankthin, makthet, si dhe për të stimuluar gjumin./Përgatiti për “Shëndet+”: Elena Beta
