Përshtati në shqip: Kesilda Gjoka
Simptomat e stresit ndikojnë në mendime, ndjenjat, në sjellje dhe në organizëm. Njohja e këtyre simptomave na jep mundësinë t’i menaxhojmë ato. Stresi mund të kontribuojë në problemet shëndetësore, siç janë tensioni i lartë i gjakut, sëmundjet e zemrës, obeziteti dhe diabeti.
Dëgjoni muzikë
Nëse ndjeheni të pushtuar nga një ndjesi jo e mirë, atëherë merrni një pushim dhe dëgjoni muzikë relaksuese klasike. Dëgjimi i një muzike të qetë ka një efekt shumë pozitiv në tru dhe trup, duke ulur presionin e gjakut dhe kortisolin, një hormone i lidhur ky me stresin.
Telefononi një shok
Një lidhje e ngushtë me miqtë dhe të afërmit është shumë e rëndësishme për një jetesë të shëndetshme. Një zë qetësues vendos gjithçka në perspektivë.
Ushqehuni mirë
Niveli i stresit dhe dieta e duhur janë shumë të lidhura me njëra-tjetrën. Për fat të keq, atëherë kur jemi më të ngarkuar harrojmë të ushqehemi mirë. Përpiquni të konsumoni fruta, perime dhe produkte të pasura me omega-3, kanë treguar që janë ideale për reduktimin e simptomave të stresit.
Merrni frymë lehtë
Mund t’iu duket klishe kur themi “merrni frymë thellë” por është shumë efektivë kur flasim për stresin. Për shekuj me radhë, budistët kanë praktikuar frymëmarrjen gjatë meditimit. Marrja e frymës thellë ndihmon me furnizimin e gjakut me oksigjen, duke ju ndihmuar me qetësimin e mendjes.
Qeshni
E qeshura çliron endorfinë duke përmirësuar gjendjen shpirtërore dhe ulin nivelin e stresit. Gjithsesi, e qeshura në punë pa një shkak nuk është mënyra më e mirë në luftimin e stresit. Ne ju rekomandojmë të shikoni sa më shumë filma komik në kohën tuaj të lirë.
Bëni ushtrime
Ushtrimet nuk janë vetëm ato që bëni në palestër, por mund të përfshihen edhe ecejaket në zyrë ose qëndrimi në këmbë apo tendosja e muskujve gjatë pushimit. Qarkullimi i gjakut çliron endorfinë dhe mund të përmirësojë humorin.
Flini më mirë
Fikni televizorin, largoni pajisjet elektronike, menaxhoni kohën dhe uluni të flini herët. Mund të jetë mënyra më e efikase për luftimin e stresit.
