Përshtati në shqip për “Shendeti.com.al”: Blertina Koka
Besojmë se të gjitha shtëpiaket janë të një mendimi: pastrimi i sobës është puna më e vështirë dhe më e bezdisshme kur bëhet fjalë për punët e shtëpisë. Do t’i japim fund edhe kësaj vuajtjeje, dhe për këtë nuk do t’ju duhet të blini solucione me kimikate. Mund të përgatisni një solucion në shtëpi me përbërës krejtësisht natyral, jo-toksik, dhe më e rëndësishmja, i keni të gjitha në shtëpi.
Në këtë rast do t’ju nevojiten:
- Lëkura e portokallit
- Lëkura e limonit
- Sodë buke
- Uthull molle
- Rozmarinë (sipas dëshirës)
- Një shishe spraj
Përgatitja:
- Qëroni portokallin dhe limonin.
- Në një kavanoz hidhni lëkurën e portokallit, të limonit dhe uthullën e mollës së distiluar. Mund të shtoni edhe pak rozmarinë për të hequr erën e uthullës.
- I lini përbërësit të treten për 5 ditë. Më pas e kaloni lëngun e përftuar nga kavanozi në një shishe spraji.
- Kur jeni gati për të pastruar sobës, hidhni fillimisht pak sodë buke, më pas filloni të spruconi lëngun. Ai do të fillojë të nxjerrë flluska.
- Prisni rreth 20 minuta dhe më pas e pastroni sobën me një sfungjer të lagësht.
Me këtë mënyrë do të mund të hiqni edhe njollat më të vështira në sobë, dhe më e rëndësishmja, nuk keni përse të shqetësoheni për substanca kimike të dëmshme për shëndetin.
Për më tepër ndiqni videon 🙂
Burimi: TipHero / https://shendeti.com.al/
