Për 4-5 persona duhen:
- oriz 2 gota uji
- lëng mishi ose ujë 4 gota uji
- rrush i thatë 1 filxhan kafeje
- sheqer 1 filxhan çaji
- gjalpë 1 lugë gjelle
- kanellë
Përgatitja
Orizi pastrohet, lahet dhe kaurdiset me gjalpë, pastaj shtohet lëng mishi (mundësisht dashi) ose ujë, rrush i thatë (shpëlahet më parë në ujë të vakët), pak kripë dhe vihet të ziejë.
Kur është thithur pothuajse i gjithë lëngu dhe në sipërfaqe janë krijuar vrima, hiqet nga zjarri dhe si të bjerë pak nxehtësia, përzihet me sheqer, kanellë ose karafil të bluar.
E mbulojmë me kapak dhe e lëmë 10-15 minuta në vend të ngrohtë derisa të bëhet një masë e shkrifët dhe të ketë pirë lëngun e lëshuar nga sheqeri. Masa hidhet në forma ose në filxhanë dhe pastaj përmbyset. Për të errësuar ngjyrën e kabunisë, në qoftë se duam, hedhim pak sheqer të djegur.
Për kabuni masa e orizit dhe e lëngut merret si për pilaf të zakonshëm: 1 kg oriz, 2 litra ujë.
Ju bëftë mirë!
