Për 4-5 persona duhen:
- 3 patëllxhanë mesatarë
Për salcën beshamel:
- 3 lugë gjelle miell
- 2 lugë gjelle gjalpë
- 2 gota qumësht
- 2 kokrra vezë
- Kripë
Përgatitja
Për pure merren patëllxhanë me tul, në formë bostani, pa fara.
Patëllxhanët piqen me gjithë lëkurë, mbuluar me prush dhe në pamundësi në furrë.
Pastaj u qërohet cipa dhe kalohen në makinë pa pjesë metalike ose në sitë prej materiali të paoksidueshëm.
Përgatitet veç salca beshamel, shtohet në të pureja e patëllxhanëve e kripë dhe përzihet me lugë druri sa të marrë valë.
Hiqet pureja nga zjarri, i hidhet vezë dhe gjalpë i freskët.
Shërbehet si garniturë për gjellë të skuqura e të pjekura.
Ju bëftë mirë!
