Nga kuzhinierja Evgjeni Harizi
Ky lloj banketi (bufe apo koktej) shtrohet kur ka shumë pjesëmarrës. Në këtë rast shtrohet tavolina me meze në anë të sallës të ngrënies ose dhe mbi banakun e kuzhinës familjare.
Mezet vihen në pjatanca ose tava të posaçme dhe mund të përdoren këto asortimente: djathë, sallam, fileta peshku të ndryshëm, kanape të ndryshme, sallatë ruse, rosto gjuhë tru etj.
Aty pranë vihen pjata të cekëta të vendosura stivë njëra mbi tjetrën, pirunj, kartëpeceta ose në vend të pirunëve vihen dhëmbëkruarse.
Në këtë rast vetëshërbehet, i ftuari merr sipas dëshirës asortimente të ndryshme në pjatë dhe ha në këmbë ose në tavolinat anës sallës.
Kamerieri, një pjesëtar i familjes apo amvisa, shërben me tabaka në dorë pijet e ndryshme.
Tavolinat vendosen edhe gjatë mureve të sallës.
