Përgatiti për “Shëndet+”: Elena Beta
Lodhja kronike: Sipas “American Cancer Society” lodhja kronike, apo lodhja që nuk mund të rregullohet nga gjumi, mund të jetë shenjë e leuçemisë, kancerit të zorrës së trashë, ose kancerit të stomakut. Vlen të përmendet, që lodhja kronike është thjesht një simptomë e mundshme të kancerit, jo një diagnozë zyrtare.
Humbja e peshës: nëse jeni duke humbur peshë, edhe pse vazhdoni rutinën e përditshme të jetesës, ju mund të jeni në fazat e hershme të ndonjë lloj kanceri. Kancer i mushkërive, pankreasit, stomakut shpesh përfshijnë simptomat e humbjes së pashpjegueshme të peshës.
Dhimbja e shpinës: Shoqata Amerikane e Kancerit, thotë se dhimbja e shpinës mund të jetë shenjë e kancerit të zorrës së trashë apo kancerit ovarial. Ndërsa dhimbja e gjatë e kokës e cila prodhon dhimbje për disa ditë pa lehtësim, mund të jetë shenjë e kancerit të trurit. Përveç kësaj, kanceri i kockave shpesh mund të prodhojë dhimbje të mprehtë në fazat e hershme të zhvillimit.
Gunga në trup: Nëse zbuloni praninë e një gungë ose masë nën lëkurë, mund të jeni prekur nga ndonjë lloj i kancerit. Zbulimi i kësaj masë në fazë të hershme, mund të jetë çelësi për mirëqenien fizike afat gjatë. Universiteti i Teksasit “Anderson Cancer Center” sugjeron të konsultoheni me mjekun sa më shpejt të jetë e mundur në raste të tilla.
Burimi: American Cancer Society
