Përshtati në shqip për “Shendeti.com.al”: Blertina Koka
Fituesi i medaljes së artë në lojërat olimpike, Mack Horton, i detyrohet për jetën e tij një fansi sy shqiponjë, i cili vërejti një nishan të rrezikshëm në gjoksin e 20-vjeçarit, që rezultoi të ishte kancer.
Horton, i cili fitoi medaljen e artë në disiplinën 400 m stil i lirë, në Lojërat Olimpike rio 2016, postoi një foto në faqen e tij në Instagram, ku tregoi se i është nënshtruar një operacioni për të hequr nishanin.
Ai pranon se operacioni është kryer vetëm pasi një fans kontaktoi nëpërmjet email-it ekipin australian të lojërave olimpike, për ta paralajmëruar atë se mund të jetë prekur nga kanceri.
“Falënderoj personin që dërgoi email tek ekipi i mjekëve të notit për të më thënë mua të kontrolloj nishanin”, shkroi Horton poshtë fotos.
Fotot e Horton në garat e kohëve të fundit tregojnë një nishan në pjesën e sipërme të gjoksit, që është bërë më i madh dhe më i errët.
Melanomat janë një nga format më vdekjeprurëse të kancerit të lëkurës që, nëse lihen pa trajtuar, mund të përhapen në pjesë të tjera të trupit.
Prandaj duhet t’i kontrolloni nishanet e reja që mund të shfaqen në lëkurë papritur, ose të kontrolloni nishanet që ndryshojnë ngjyrë, madhësi ose formë.
Burimi: Daily Mail / https://shendeti.com.al/
