Shumë nga ushqimet që janë pjesë e gatimeve tuaja të përditshme mund të jenë të dobishme për rritjen e flokëve. Ja disa kura efektive:
Vezët: janë të pasura me squfur si dhe proteina e minerale të tjera (selen, zink, hekur, jod). Vezët janë të dobishme në procesin e rritjes së flokëve veçanërisht kur kombinohen me vaj ulliri. Përgatiteni vetë pastën në shtëpi duke përzier një të bardhë veze me një lugë çaji vaj ulliri. Përziejeni mirë dhe aplikojeni në flokë për 15 – 20 minuta. Lajini flokët me ujë të ftohtë.
Hudhër dhe qepë: Squfuri rrit prodhimin e kolagjenit i cili stimulon rritjen e flokëve. Hudhra dhe qepa kanë përmbajtje të lartë të squfurit. Copëtoni 4 – 5 thelpinj hudhër dhe përzieni me disa pika vaj kokosi. Ziejeni këtë përzierje për 2 – 3 minuta. Pasi të ftohet aplikoni masën e përgatitur në skalpin e kokës dhe masazhoni disa minuta. Përsëriteni 3 herë në javë.
Copëtoni një qepë dhe me lëngun e saj masazhoni skalpin e kokës, lereni 15 minuta dhe shpëlajeni.
Kokosi: një nga përbërësit më të rëndësishëm për rritjen e flokëve. Qumështi i kokosit përmban minerale si: hekur, kalium, proteina, yndyrna. Aplikojeni në flokët tuaj dhe mbajeni gjatë gjithë natës. Në mëngjes lani flokët si zakonisht.
