Blerina Bombaj, dietologe
Për 6 racione:
- 1kg presh
- 450gr patate
- 2 thelpinj të vegjël hudhër
- ½ lugë çaji curry*
- 1 tufë koper
- lëkurën e ½ limoni
- ½ limoni të shtrydhur
- pak kripë, pak piper
- Pak vaj ulliri ekstra të virgjër
- 150gr lëng pule
- 6 gota ujë
Përgatitja
- Kaverdisni hudhrën me preshin dhe pak vaj ulliri në zjarr mesatar, për pak minuta. Shtoni curry-n.
- Shtoni lëngun e pulës, ujin dhe patatet.
- I lini të ziejnë në zjarr të avashtë. Diku nga mesi i shtoni lëngun e limonit dhe lëkurat e limonit. Afër fundit shtoni edhe koperin.
- Provoni për kripë, piper.
- Pasi të jenë zbutur patatet, e kaloni të gjithë përbërjen në frulator dhe i ktheni sërish në tenxhere për një valë të fundit.
- Duhet të bëhet kremoze.
Një supë ideale edhe për fëmijë të vegjël, pasi preshi është një perime e pasur në hekur, vitaminë B6, acid folik, dhe vitaminë A.
Curry është një miks erëzash aziatike, me aromë shumë të veçantë dhe karakteristike e cila përmirëson shumë shijen e disa gatimeve.
