Përgatiti për gazetën “Shëndet+”: Elena Beta
Natyra ka krijuar ushqime të shumta që mund të na ndihmojnë të ruajmë shëndetin dhe të detoksifikojmë trupin me qëllim parandalimin e sëmundjeve të shumta. Çelësin për të zhbllokuar arteriet e bllokuara dhe për të ruajtur shëndetin e zemrës mund ta gjejmë gjithashtu në ato ç’ka na ka ofruar natyra. Ja cilat janë ushqimet, me ndihmën e të cilave mund t’i zhbllokoni arteriet e bllokuara dhe të parandaloni shfaqjen e sëmundjeve serioze.
Avokado: Studimet kanë treguar se konsumi i avokados çdo ditë luan rol të rëndësishëm në përmirësimin e kolesterolit në gjak.
Kanellë: Kjo erëz e shijshme mund të ndihmojë për të ulur nivelet e kolesterolit. Kanella është e pasur me antioksidantë të cilët përmirësojnë shëndetin kardiovaskular, duke mbrojtur gjakun nga oksidimi. Hidhni pak kanellë në kafen e mëngjesit ose shtojeni në ushqimet e tjera, që të merrni përfitimet e saj shëndetësore.
Brokoli: Ky perim është i pasur me vitaminën K, e cila pengon kalciumin të dëmtojë arteriet. Ai është i pasur gjithashtu me fibra, të cilat mund të ndihmojnë për të ulur tensionin e gjakut dhe nivelin e kolesterolit.
Çaj jeshil: Ky çaj pengon absorbimin e kolesterolit gjatë tretjes. Prandaj, konsumi i 1-2 gota të çajit të gjelbër do të parandalojë bllokimin e arterieve dhe gjithashtu do të stimulojë metabolizmin, duke ju ndihmuar të humbni peshën e tepërt.
Burimi: http://news.health.com/shendeti.com.al
