Blertina Koka
Pas një ditë të lodhshme dhe stresuese në punë, është shumë e vështirë që të qetësohesh. Ekspertët në këtë rast rekomandojnë teknikën e frymëmarrjes, që është jashtëzakonisht e mirë për shëndetin mendor, si në terma afatshkurtër ashtu edhe afatgjate.
Përdorimi i kësaj teknike të thjeshtë të frymëmarrjes për t’u qetësuar dhe lehtësuar stresin nuk është vetëm efikase, por edhe e thjeshtë për t’u mësuar.
Metoda “e frymëmarrjes koherente” është shpikur nga shkencëtari Stephen Elliott.
Elliott ka studiuar më parë forma të ndryshme të jogës në Kinë, Kashmir dhe Indi, që e kanë inspiruar të zhvillojë teknikën e frymëmarrjes koherente.
Kjo teknikë kërkon që të jeni më të vëmendshëm për mënyrën si merrni dhe nxirrni frymën, duke bërë mesatarisht 5 frymëmarrje në minutë.
Edhe pse koncepti mund të mos tingëllojë edhe aq i ri, Elliott siguron se kjo teknikë mund të ketë një impakt shumë pozitiv në mirëqenien.
Është provuar që frymëmarrja e thellë dhe e ngadaltë sjell një sërë përfitimesh, si ulja e tensionit të gjakut dhe relaksimi i çdo tensioni në trup.
