Albina Deda, deputete
Ilir Beqaj, pavarësisht kundërshtimit masiv nga urdhrat përkatës, deputetët e majtë e të djathtë, insiston në testimin e mjekëve. Testimi i Beqajt një aventurë personale dhe hakmarrje për profesionistët e shëndetësisë.
Testimi i mjekëve dhe infermierëve i paligjshëm, diskriminues, korruptiv, fyes, tallës, pra një gjueti shtrigash për të larguar mjekët dhe infermierët nga puna. Vlerësimi i tyre është i rregulluar sipas Urdhrit të Mjekut, infermierit dhe edukimit në vazhdim. Nuk ka një politikë apo përvojë ndërkombëtare. Kjo bie ndesh me të drejtat e profesionistëve dhe të njeriut, pra është diskriminuese.
Personeli kalon procesin e diplomimit, praktikën mjekësore, provimin e shtetit, edukimin në vazhdim, si dhe konkurse për vendin e punës. QEKV ka deklaruar se të gjithë mjekët dhe infermierët kanë përmbushur kreditet e kërkuara.
Lind pyetja: Kush është baza ligjore apo dokumentacioni i publikuar zyrtarisht për këtë testim? Është një nga “marifetet” e MSH-së për të larguar nga puna dhe për të futur militantë? A i njeh dy institucionet e vlerësimit, urdhrat përkatës dhe QEKV? Si do bëhet testimi? Cila është përbërja e komisionit? A është MSH-së një nga personat që mund t’i besosh, kur tek ai gërshëtohen “injoranca për shëndetësinë dhe historitë e tij abuzive me tenderat publike?
Mjekët dhe infermierët po firmosin një peticion për këtë dhe të gjithë po e kundërshtojnë. Kjo nismë është personale, pasi nuk është konsultuar me askënd, as me urdhrat përkatës, as grupet e interesit, shumica e deputeteve të majtë kryesisht LSI janë kundër këtij testimi.
Pra, kur nuk pyet askënd duhet të tërhiqesh pasi ke përballë armatën e mjekëve dhe infermierëve.
Tërhiqu z. Beqaj në këtë marifetet për të larguar mjekët dhe infermierët, dhe larguar vëmendjen nga gjendja e rëndë ku është sot pas dy vitesh shëndetësia. Tërhiqu se me personin shëndetësor nuk ia del t’i denigrosh.
