Blertina Koka
Publikohet lista e kandidatëve të mjekësisë, stomatologjisë dhe farmacisë që do të japin provimin e shtetit në muajin maj. Në total janë 76 mjekë, 236 farmacistë dhe 275 stomatologë. Bashkëngjitur emrit kandidatët kanë edhe datën dhe orën e testimit.
Një ditë më parë në gazetën ‘Shëndet+’ u publikuan datat e provimeve për profesionet e rregulluara të mjekut, farmacistit, stomatologut, infermierit, mamisë, fizioterapistit, logopedistit, teknikut të imazherisë dhe teknikut të laboratorit.
Brenda pak ditësh do të publikohen listat emërore të profesioneve të tjera mjekësore, përkatësisht të infermierit, mamisë, fizioterapistit, logopedistit, teknikut të imazherisë dhe teknikut të laboratorit.
Provimet e shtetit për këto profesione të rregulluara do të zhvillohen brenda periudhës kohore nga java e parë deri në javën e fundit të muajit maj 2017.
Vetëm kandidatët që kanë arritur të përfundojnë programin përkatës të akredituar të studimit dhe/ose kualifikime profesionale në atë profesion kanë të drejtë të japin provimin e shtetit në muajin maj 2017, për të fituar licencën profesionale në një nga specialitetet e përcaktuara mjekësore.
Kandidatët duhet të jenë të pajisur me letërnjoftim (Kartë ID ose Pasaportë) në mënyrë që të lejohen të marrin pjesë në provim. Ata duhet të paraqiten në AKP 30 minuta para fillimit të provimit të shtetit.
Të gjithë kandidatët për mjekësi, farmaci dhe stomatologji mund të verifikojnë emrin, atësinë, mbiemrin, si dhe datën dhe orën e provimit në lidhjet bashkëngjitur./ Shendeti.com.al
Lista e kandidatëve, Mjekësi, maj 2017
Lista e kandidatëve, Farmaci, maj 2017
Lista e kandidatëve, Stomatologji, maj 2017
Licencat e reja, publikohet kalendari i testimeve për 9 profilet mjekësore
