Përshtati në shqip për gazetën “Shëndet+”: Blertina Koka
Këto pamje të tmerrshme tregojnë ndikimin shkatërrues që kriza financiare e Venezuelës i ka shkaktuar spitaleve të këtij vendi. Fotot e shkrepura nga një fotografe e News York Times shfaqin gjendjen e mjerueshme të një qendre mjekësore në këtë shtet.
“Vijnë shëndoshë e largohen të vdekur”, tregon dr. Leamdro Perez, nga spitali Luiz Razetti, për New York Times.
Pa antibiotikë, ilaçe, pajisje mjekësore, kirurgë etj është e pamundur që të shpëtojnë jetët e pacientëve. Njerëzit me kancer nuk mund të trajtohen në qendrën mjekësore pasi nuk ka mjaftueshëm pajisje.
Mungojnë shtretërit dhe pacientët duhet të shtrihen në tokë. Vetëm për një javë kanë vdekur 7 foshnje pasi mungon oksigjeni, shkruan e përditshmja New Jork Times. Ndërkohë, një pacient 68-vjeçar me diabet është detyruar të presë këmbën pasi spitali nuk kishte pajisje për të bërë dializën. Një tjetër u nda nga jeta pasi banka e gjakut ishte mbyllur me kërkesë të qeverisë për të ruajtur energjinë.
Pavarësisht gjendjes së mjerueshme, presidenti i Venezuelës, Nicolas Maduro, nuk e pranon se shteti është në krizë. “Dyshoj se në asnjë vend të botës, përveç Kubës, ekziston një stistem shëndetësor më i mirë se ky i yni” ka deklaruar së fundmi presidenti Maduro.
Burimi: Daily Mail / https://shendeti.com.al/
