Një trajtim i ri për sklerozën e shumëfishtë iu ka mundësuar disa pacientëve të ecin sërish, duke 
“rifreskuar” sistemet e tyre imunitare. Shkencëtarët britanikë kanë përdorur qelizat staminale për të kryer transplantimin e palcës së kockave. Nga kjo metodë janë kuruar deri tani rreth 20 pacientë.
Metoda funksionon duke përdorur kimioterapinë për të shkatërruar zonën e sistemit imunitar që shkakton sklerozën e shumëfishtë.
Profesori Basil Sharrack nga spitali “Royal Hallamshire” e përshkruan këtë trajtim si një ndër arritjet më të mëdha të mjekësisë.
Skleroza e shumëfishtë dëmton sistemin nervor qendror dhe diagnostifikohet zakonisht kur personi është në moshën 20 deri 30 vjeç. Më shumë se 100 mijë njerëz në Britani vuajnë aktualisht nga kjo sëmundje neurologjike e pashërueshme.
Përshtati për “Shëndet+”: Blertina Koka/ Burimi: Independent
