Kujdesem rregullisht për higjienën e gojës, por më është dëmtuar smalti. Ju lutem, a mund të më thoni nga se vjen kjo?
Përgjigjet Keltona Ziu, mjeke stomatologe
Erozionin e smaltit e shkakton çfarëdolloj ushqimi me acid ose pH me të vogël se 5.5. Pijet energjike, frutat me përmbajtje të lartë aciditeti dhe sidomos vera e kuqe. Sa herë që ne hamë diçka me përmbajtje acide, copëza të vogla smalti largohen nga sipërfaqja e dhëmbëve tanë. Tek shkaqet që shkaktojnë erozionin e smaltit duhet përmendur edhe thatësira e gojës ose sëmundjet që mjekohen me ilaçe që ulin sasinë e pështymës, por edhe bruksizmi (kërcëllitja/fërkimi i dhëmbëve në mënyrë të pavetëdijshme)./ Shendeti.com.al
