Nga fizioterapisti Petrit Drini
Për ata që punojnë me kompjuter ose ulur në tavolinë
Për rreth 4 minuta
Të qëndruarit ulur pranë kompjuterit për një kohë të gjatë, jo vetëm që shkakton tension të qafës dhe shpatullave, por edhe dhimbje në pjesën lumbare të kurrizit. Kryeni këto ushtrime çdo orë të punës ose në çdo moment që ndiheni të tensionuar dhe bllokuar. Përveç këtyre, përpiquni të çoheni herë pas here dhe bëni një ecje nëpër zyrë. Do të ndiheni shumë më mirë.
Për ata që qëndrojnë ulur për kohë të gjatë
Për rreth 4 minuta
Kjo është një seri ushtrimesh që duhen kryer pasi keni qëndruar ulur për një kohë të gjatë. Pozicioni ulur pengon gjakun në pjesët e pasme, irriton jo vetëm muskujt e kofshëve, por edhe ato të kurrizit dhe të qafës. Këto ushtrime shërbejnë për të riaktivizuar qarkullimin e gjakut dhe për të shkrirë muskujt e tensionuar për shkak të kohës së gjatë në qëndrim ulur.
