Një person i apasionuar pas fitnesit ka treguar se si uli yndyrat në gjak dhe rrit fuqinë e muskujve me një dietë me 30 vezë në ditë.
Joseph Everett, i cili jeton në Tokio, Japoni, vendosi të hajë 1000 vezë gjatë një muaji për të testuar pretendimin e një bodybuilder se dieta është po aq efektive për ndërtimin e muskujve sa përdorimi i injeksioneve të rrezikshme steroide.
Së bashku me rutinën e çuditshme të të ngrënit – e cila përfshinte omleta me të bardha veze, smoothie dhe darka me vezë srubull dhe oriz – ai filloi një regjim fitnesi të fokusuar në peshëngritje.
Përpara se të fillonte eksperimentin, Everett mati peshën e tij fillestare dhe performancën e tij në katër ushtrimeve – ngritja me shtangë, deadlift, (ushtrim për shpinë të fortë), squats dhe bench press (ushtrim për muskulin e gjoksit!).
Ai gjithashtu kishte kryer analizat e gjakut para dhe pas muajit për të matur aspekte të tjera të shëndetit të tij, si prodhimin e testosteronit dhe nivelet e kolesterolit.
Imazhet intriguese tregojnë se ai fitoi një masë të konsiderueshme 13 lbs (6 kg) nga pesha e tij fillestare prej 78 kg, deri në fund të eksperimentit.
Performanca e tij e fitnesit gjithashtu u përmirësua ishte në gjendje të ngrinte 20 kg (44 lbs) më shumë se kur filloi.
Çuditërisht, analizat nuk treguan rritje të dukshme të niveleve të kolesterolit ‘të keq’, por një rritje e kolesterolit të.
Për më tepër, rezultatet treguan gjithashtu një rënie të një lloji të rrezikshëm të yndyrës në gjak të quajtur trigliceride – që lidhet me një rrezik të lartë të goditjes në tru dhe sulmeve në zemër.
Pra fillimit të sfidës , Everett tha se nuk ishte “një peshëngritës serioz”, por ngrinte rregullisht “disa pesha” si pjesë e rutinës së tij të përditshme për ruajtjen e formës fizike.
Ai e plotësoi dietën me 30 vezë në ditë, me një tas oriz, një porcion mishi viçi, një kos të vogël, disa fruta dhe mjaltë, dhe ndonjëherë proteinë.
Everett vlerësoi se kjo ishte ekuivalente me 3,300 deri në 3,700 kalori në ditë – shumë më tepër se 2,500 kaloritë që zakonisht rekomandohen për burrat.
Vezët janë një burim i njohur i proteinave, të cilat janë kyçe për ndërtimin e muskujve. Ato gjithashtu përmbajnë shumë vitamina dhe minerale, duke përfshirë kalcium për forcimin e kockave, hekur, zink dhe kalium.
Everett tha: “30 vezë më japin 190 gram proteina, sasinë e duhur të vitaminës A, 120 për qind të vitaminës D, shumë vitamina B. Këto mund të mbështesin rritjen e muskujve në një mënyrë ose në një tjetër.”
Por ai gjithashtu paralajmëroi se 30 vezë mund të ofrojnë “shumë” kolesterol – 2,100 për qind të vlerës ditore – si dhe 45g yndyrë të ngopur.
Sipas NHS, burrat e rritur duhet të mos konsumojnë më shumë se 30g yndyrë të ngopur në ditë për shkak të rreziqeve të shtimit të peshës dhe sëmundjeve të lidhura me obezitetin, siç janë sëmundjet e zemrës.
Megjithatë, Everett argumentoi se trupi i tij do t’i konvertojë këto yndyrna në hormonin mashkullor testosteron, i cili, kur shoqërohet me ushtrime force, ndihmon rritjen e muskujve.
Rreth nëntë ditë pas sfidës, pati një ndryshim të dukshëm në sjelljen e tij, për të cilën ai dyshonte se ishte për shkak të niveleve të larta të testosteronit.
“Vura re se në fakt po ndihesha shumë mirë,” tha ai.
“Ndihesha më i përqendruar, kisha shumë energji brenda dhe jashtë palestrës, libidoja ime ishte më e lartë dhe isha pak më i nxitur dhe i papërmbajtur.
Por, rezultatet përfundimtare të gjakut nuk treguan asnjë ndryshim në testosteronin e tij.
“Humori im, fokusi, epshi dhe energjia ime të gjitha më bënë të dukej sikur kisha testosteron më të lartë, por me sa duket jo”, tha ai.
Çuditërisht, pavarësisht se hahet sasi e madhe e një ushqimi që mendohet se rrit kolesterolin, rezultatet e testeve të gjakut treguan ndryshime pozitive.
Nivelet e kolesterolit të keq, lloji që grumbullohet rreth enëve të gjakut dhe që mund të çojë në probleme serioze të zemrës, pati luhatje shumë të lehtë nga rezultatet fillestare.
Studimet e tjera të gjakut treguan se nivelet e kolesterolit të mirë në trup u rritën.
Në përgjithësi, ai tha se sfida ishte relativisht e lehtë.
“Dy ditët e para nuk ishin aq të vështira për mua… janë vetëm rreth 3,500 kalori dhe duke qenë se po bëj gjithë atë ngritje, jam shumë i uritur”, tha ai.
Vetëm në ditën e 20-të gjërat filluan të shkojnë keq pas gjashtë ditësh me 30 vezë të papërpunuara në ditë.
“E gjeta veten të mbërthyer në banjë për më shumë se një orë, për shkak të kapsllëkut dhedhimbjeve të stomakut”, tha ai.
Por ai zbuloi se kjo ndryshoi pasi filloi të gatuajë sërish të bardhat e vezëve.
Pas disa kërkimeve, ai dyshoi se problemet e tij me tretjen ishin shkaktuar nga një substancë e quajtur frenuesit e tripsinës, të cilat janë në nivele të larta në vezët e papërpunuara dhe mund të shkaktojnë probleme të zorrëve.
Ndërsa Everett tha se nuk ishte i sigurt nëse rezultati ishte po aq i mirë sa steroidet, por shtoi se, “mund ta bëjë këtë përsëri nëse do të më duhej”.
Disa mjekë këshilluan më parë kufizimin e numrit të vezëve të ngrëna në tre ose katër në javë bazuar në hulumtimet që sugjerojnë se ato përmbajnë nivele të larta të kolesterolit që mund të çojnë në probleme të zemrës.
Megjithatë, studimet më të fundit tregojnë se konsumimi i moderuar i vezëve, rreth një në ditë, së bashku me një dietë të larmishme, nuk rrit rrezikun e sëmundjeve të zemrës.
Studimet kanë treguar se ushqimet që janë të larta në kolesterol nuk rrisin domosdoshmërisht nivelet e substancës yndyrore në gjak.
Ekspertët shëndetësorë tani këshillojnë që të mos ketë kufizime se sa vezë duhet të hani në ditë, për sa kohë që ato janë pjesë e një diete të ekuilibruar.
Megjithatë, disa metoda gatimi janë më të shëndetshme se të tjerat—për shembull, vezët e ziera kanë shumë më pak yndyrë se ato që skuqen në vaj dhe gjalpë.
Burimi: dailymail.co.uk
