Përshtati në shqip: Blertina Koka
Një paciente pretendon se ka “kuruar” kancerin me vaj kanabisi. Mjekët i kishin dhënë vetëm 6 javë jetë pasi u diagnostikua me kancer të stomakut dhe zorrës ( e pamundur për t’u operuar) në gusht të vitit 2016.
E pashpresë, 52-vjeçarja Joy Smith vendosi që të përdorë tableta me kanabis, së bashku me kimioterapinë, pasi kishte lexuar që një paciente nga Amerika kishte mundur të trajtonte kancerin me vajin e marijuanës që ajo e kishte prodhuar vet.
Gati 2 vite më vonë, mjekët, të cilët e kanë cilësuar znj. Smith si “gruaja më me fat në botë”, janë habitur kur kanë parë analizat e 52-vjeçares, ku i ka mbetur vetëm një pjesë e vogël e sëmundjes në pjesën e majtë të stomakut, ndërkohë që ajo është e bindur që sëmundja do të zhduket me përdorimin e vazhdueshëm të kanabisit.
Ajo rekomandon që të legalizohet përdorimi i kanabisit për përdorime mjekësore.
Znj. Smith ka përdorur suplemente ushqyese të kanabidiolit, që nxirret nga kanabisi dhe është i lejueshëm në Britani, ndërkohë që trajtimi i saj përmbante THC, një lloj droge që nuk lejohet përdorimi i tij.
Ajo thotë që e ka blerë vajin në internet në mënyrë ilegale.
Burimi: Daily Mail / Shendeti.com.al
