Prokuroria e Tiranës ka kërkuar që të shpallen fajtorë dhe të dënohen me 5 vjet burg mjekët Petrit Rexhepi dhe Elona Burba, të akuzuar për vdekjen e bashkëshortes së portierit të Partizanit, Alban Hoxha.
Organi i akuzës ka kërkuar gjithashtu heqje të së drejtës së ushtrimit të profesionit për një periudhë 5-vjeçare.
Doriana humbi jetën pas një operacioni cezarian për sjelljen në jetë të fëmijës së parë. Por, pas operacionit gjendja e saj shëndetësore u përkeqësua, deri në humbjen e jetës (lexo këtu).
Ekspertiza mjekoligjore përcaktoi se pakujdesia dhe neglizhenca e dy mjekëve Rexhepi dhe Burba, që operuan të ndjerën, kanë sjellë pasojën e rëndë.
Sipas Prokurorisë së kryeqytetit, vdekja e 25- vjeçares Haka ka ardhur si pasojë e neglizhencës së mjekëve dhe moskryerjes prej tyre të analizave të nevojshme para dhe pas operacionit./ https://shendeti.com.al/
