Përgatiti për “Shëndet+”: Elena Beta
Një studim i ri tregon për herë të parë se të luash video-lojëra me aksion përmirëson jo thjesht aftësitë që mësohen në lojë, por edhe aftësitë nxënëse në përgjithësi.
“Studime të mëparshme nga grupi ynë i punës ka treguar se lojëtarët e aksionit shkëlqejnë në shumë detyra. Në këtë studim të ri, ne treguam se ata shkëlqejnë pasi janë nxënës më të mirë”, shpjegon Dafni Bavelier, profesoreshë e kërkimit në shkencat njohëse dhe të trurit në Universitetin e Roçesterit. “Si rrjedhojë ata bëhen nxënës më të mirë duke luajtur lojërat aksioni me veprim të shpejtë”.
“Video lojërat mund të jenë një rrugë praktike për zhvillimin e trurit “, thotë Craig Stark, nga Universiteti i Kalifornisë, në një deklaratë për shtyp.
Hulumtuesit morën nën studim studentët e universitetit të cilët nuk ishin të prirur të luanin video lojra. Hulumtuesit i vendosën ata të luajnë 30 minuta në ditë për dy javë, video lojëra 2 D ose 3D.
Para dhe pas periudhës dy javore, studentëve u është dhënë një test i kujtesës. Ata që luajtën video lojëra në 3 D, treguan përmirësim në testin e kujtesës, ndërsa ata që luajtën video lojëra në 2 D nuk pësuan ndonjë ndryshim.
Studimi u financua nga Instituti Kombëtar Amerikan për Plakjen dhe Fondacioni “McDonnell James S”, dhe është botuar në revistën “Neuroscience”. “Së pari, lojërat 3D kanë disa gjëra që ato 2-D nuk i kanë,” tha Stark. “Ato kanë më tepër informacion për të eksploruar. Së dyti, ato janë shumë më komplekse, me shumë më tepër hapësirë për të mësuar”, shpjegoi ai.
Burimi: http://news.health.com/
