Shënohet një tjetër rast i virusit Zika në Evropë, këtë herë në Danimarkë. Një turist danez është infektuar nga virusi Zika gjatë një udhëtimi të kryer në Amerikën Jugore dhe Qendrore. 
Ai e zbuloi se ishte prekur nga virusi pasi u vizitua në Spitalin Universitar në Aarhus, qyteti i dytë më i madh i Danimarkës. I riu kishte pasur temperaturë, dhimbje koke dhe të muskujve, dhe pas analizave që i bënë në spital, rezultoi që ishte prekur nga virusi Zika.
Doktorët thonë se nuk ka rrezik që sëmundja të përhapet në Danimarkë. “Gjendja e tij është mirë. Ai po e merr veten dhe do të dalë nga spitali shumë shpejt,”tha një doktor për të përditshmen Reuters.
Virusi Zika ka shkatuar dëmtime në tru tek mijëra foshnje në Brazil. Aktualisht nuk ka asnjë vaksinë apo mjekim për këtë sëmundje. Rreth 80% e njerëzve të infektuar nuk kanë simptoma, duke e bërë më të vështirë për gratë shtatzëna që të kuptojnë nëse janë infektuar nga virusi.
