Përshëndetje! Kam dy vite që vuaj nga refluksi gastro-ezofageal, mirëpo nuk jam fort e qartë se çfarë duhet të konsumoj e shmang në ditë, pasi më duket sikur çdo gjë më bën dëm. A mund të më rekomandoni ju diçka ju lutem.
Përgjigjet Klerida Shehu, mjeke gastrohepatologe
Pacientët që vuajnë refluksin gastro-ezofageal duhet të konsumojnë sa pak kafe duke qenë se kafeina është një ndër faktorët predispozues të refluksit gastro-ezofageal, pa harruar dhe çokollatat që duhet t’i shmangin sa më shumë. Duhanin dhe alkoolin gjithashtu, pasi japin dëmtim të mukozës, qoftë të ezofagut, qoftë të stomakut, ndaj u rekomandohet ta rrallojnë sa më shumë, ose ta ndërpresin fare.
Duhet të shmangin gjërat e yndyrshme, pikantet, salcërat dhe ushqimet me shumë erëza të cilat nga ana e tyre vetëm do e agravonin më shumë situatën./ Shendeti.com.al
