Kryefaqja Box 4 Zbulohen rezultatet eksperimentale të “uiskit në hapësirë”

Zbulohen rezultatet eksperimentale të “uiskit në hapësirë”

0
Shpërndaje

Një fabrikë pijesh alkoolike ka dërguar uiski në hapësirë për të studiuar efektin e gravitetit zero në shijet e përshkruara si “novatore”.

uiski ardeg“Ardbeg Distillery” dërgoi një enë të vogël në “Stacionin Ndërkombëtar të Hapësirës” në një anije mallrash, në tetor 2011. Një shishe e njëjtë uiski u mbajt në fabrikën e pijeve alkoolike për krahasim.

Mostrat e shishes së uiskit ishin dukshëm të ndryshme në aspektin e aromës dhe shijes. Kompania kishte bërë eksperimentin në mënyrë që të hetonte mikro-gravitetin që ndikon në bllokimin e shijeve për shumë ushqime dhe verëra, si dhe uiskin.

Sipas Ardbegut mostra në tokë kishte aromë peme, shije tymi të butë dhe uthulle balsamike, si dhe rrushi të thatë, vanilje, karamele dhe portokalli.

Sipas tij, mostra në hapësirë kishte aromë më intensive dhe të fortë, si peshk i tymosur, bashkë me një shije të parfumosur, si vjollcë dhe një aromë të fuqishme druri si një erë mishi.

Aroma ishte shumë e përqendruar, me fruta të tymosura si kumbulla të thara apo qershi, një aromë menteje, kanelle dhe proshute të tymosur. Ndërsa shija që të linte më pas ishte intensive.

Një eksperiment i tillë u bë për të parë ndryshimet që ofron graviteti në shije. “Ardbeg” është e vetmja kompani që mori përsipër një eksperiment të tillë.

Përshtati në shqip për “Shëndet+”: Daniela Bardhi

LËR NJË MESAZH

Please enter your comment!
Please enter your name here