Përshendetje! Kisha nevojë për një informacion. Jam 38 vjeç, nënë e dy fëmijëve. Kam disa kohë që zgjohem në mëngjes me 
marrje mendsh. Gjithashtu, kam një lodhje të përgjithshme dhe në disa raste dhe rrahje të shpejta të zemrës. Doja të dija çfarë vizite apo analizash duhet të bëj pasi nuk dua të sorollatem. Faleminderit dhe kalofshi mirë!
Përgjigjet për “Shëndet+” mjekja ORL, Anjeza Kuçi
Sindromi vertigo mund të vijë për shkaqe të ndryshme si: hipertension, probleme me diabetin, probleme alergjike, anemi, probleme të gjendrës tiroide, në fund shkaktarë mund të jenë stresi dhe mbilodhja. Duhet bërë një sërë analizash laboratorike (pra një kontroll i përgjithshëm) dhe një konsultë me mjekun tuaj ORL, i cili mund të vendosë një diagnozë të saktë.
