Të shqetësuar për arteriet e bllokuara? Përgjigjen mund ta gjeni jo në kabinetin e ilaçeve, por në kuzhinë.
Një studim i fundit, i publikuar tek revista “Atherosclerosis”, tregon se ekstrakti i shegës mund të parandalojë patologjitë e sistemit kardiovaskular që çojnë në sulme në zemër. Ky studim tregon gjithashtu se shega mund të ndihmojë në zhbllokimin e arterieve.
Konsumi ditor i lëngut të shegës për dy javë mund të ndihmojë në parandalimin e sëmundjeve kardiovaskulare, duke ulur nivelet e kolesterolit LDL, tensionin arterial dhe reduktimin e arteriosklerozës.
Përmbajtja e antokianinës në shegë jep efekte anti-inflamatore, ndërsa lëngu gjithashtu, ka veti antibakteriale, antivirale dhe antimikotike.
Lëngu i shegës gjithashtu ka një përmbajtje të lartë të antioksiduesve, sidomos polifenolët dhe vitaminën C. Mungesa e vitaminës C është shkaktari kryesor i sëmundjeve kardiovaskulare.
Shegët mund të luftojnë edhe inflamacionin, një ndër shkaktarët kryesorë të sëmundjeve të zemrës./ Shendeti.com.al
