Përshtati në shqip për “Shendeti.com.al”: Marsela Alia
Femrat kërkojnë gjithmonë të jenë perfekte. Ato duan që ta shikojnë veten në pasqyrë dhe ta pëlqejnë atë që shikojnë. Zakonisht gjëja më e dukshme është gjoksi. Nëse nuk jeni të kënaqur nga pamja e gjoksit tuaj, lexoni këto dy këshilla që janë efektive dhe me efekte të dukshme për një kohë të shkurtër.
E para është një ushtrim që çon në ndryshime dhe përmirësime të dukshme në formën e gjoksit tuaj. Përveç kësaj, është edhe një kurë në kushte shtëpie e cila forcon lëkurën e gjoksit tuaj.
Ushtrimi:
- Shtrihuni me shpinë në krevat ose në një dyshek në dysheme.
- Merrni pesha nga 2.5 kg në çdo dorë.
- Ngrijini krahët drejt mbi kraharor.
- Më pas ulini ata anash sa më larg që të mundeni, sikur të jeni një aeroplan.
- Ngrijini ata përsëri mbi kraharor
- Përsëriteni.
Bëni 3 sete me nga 10 ushtrime çdo ditë. Ky ushtrim aktivizon muskujt poshtë gjoksit, në pjesën e sipërme të kraharorit dhe në pjesën e sqetullës.
Kura në kushte shtëpie
- Kjo kurë përmban vetëm një përbërës i cili është vaji i ullirit.
- Hidhni pak vaj në duart tuaja dhe fërkojini ato së bashku.
- Mënyra më e mirë është duke u shtrirë mbi krevat dhe duke vendosur jastëk poshtë shpinës.
- Secilën nga duart vendoseni mbi gjoks dhe filloni të masazhoni me vajin e ullirit.
- Bëni 10 rrathë përreth çdo gjoksi dhe kështu keni mbaruar me masazhin.
Vaji e bën lëkurën tuaj më elastikë, por duhet të siguroheni që në duar të keni një sasi të konsiderueshme të vajit të ullirit. Nëse hidhni më shumë seç duhet, hiqeni sasinë e tepërt me një peshqir.
Përsëriteni këtë proces çdo ditë, ose të paktën 3 herë në javë, dhe do shikoni se gjoksi juaj do jetë më i fortë dhe i shëndetshëm.
Burimi: Healthy Life Byte/ https://shendeti.com.al/
