Përshtati në shqip për “Shendeti.com.al”: Marsela Aliaj
Prerjet që krijohen nga reçipetat ose nga rripi i pantallonave nuk janë një pamje e bukur. Fatmirësisht ka mënyra shumë të thjeshta që ndihmojnë të keni më shumë besim në vete herën tjetër që do vishni një bluzë pas trupit. Të ushtrohesh vetëm për një pjesë të caktuar të trupit nuk funksionon, por më poshtë jepen disa këshilla për të arritur sa më mirë rezultatet e kërkuara.
Shtoni kohën e ushtrimeve
Nëse jeni serioz për efektin që kërkoni, është mirë që të filloni të shtoni kohën që zhvilloni ushtrime. Sipas specialistëve, është e rekomandueshme të bëhen ushtrime për 60 minuta, për të paktën pesë herë në javë.
Fokusohuni në tonifikim
Shtoni në stërvitjen tuaj lëvizje që i japin formë kurrizit tuaj, pra ushtrime që fokusojnë grupin e muskujve të shpinës, të shpatullave . Duhet pasur kujdes se qëndrimi i saktë gjatë zhvillimit të ushtrimeve bën mrekullira.
Praktikoni joga
Ushtrimet e forcimit dhe ndërtimit të muskujve janë çelësi kryesor, por edhe joga ka efekte mbresëlënëse në heqjen e dhjamit të shpinës.
Hani shëndetshëm
Për një arritje më të madhe, të gjitha detajet duhet të jenë ndihmuese . Një dietë e shëndetshme dhe me ushqimet e duhura për të tretur yndyrat janë një ndihmë e madhe.
Blini për masën tuaj
Kjo zgjidhje nuk ndihmon në heqjen fizike të problemit tuaj, por ju ndihmon të ndiheni më të sigurta për format tuaja trupore. Nëse ju shqetëson sasia e pjesëve qe formohen nga prerjet e të brendshmeve ose xhinseve të ndryshme, provoni të blini masa më të mëdha rrobash. Kjo do minimizojë problemin në dukje, si dhe do t’ju ndihmojë të mos jeni më shumë të stresuar.
Burimi: Women’s Health / https://shendeti.com.al/
