Artur Xhumari, shefi i shërbimit të neokirurgjisë ishte këtë të hënë i ftuar në “Good Morning Albanians”, për të folur për sëmundjeve neurologjike.
Ai tha se në spitalin ku punon tashmë ka më tepër ndërhyrje se ç’bëheshin më parë. I pyetur se sa raste mund të trajtojë në ditë, ai tha se ka mesatarisht 7-8 operacione në ditë.
“Në shërbimin tonë dy vitet e fundit ka një rritje të numrit të interventeve që kryejmë. Ndoshta si pasojë e vënies së indikacionit më liberal, por në thonjëza.
Dikur shikonim një të sëmurë dhe thoshim nuk do përfitoj as nga ne as nga kimioterapia, as nga radioterapia, le të ikë se i ka ardhur koha. Së fundmi themi të provojmë edhe një ndërhyrje edhe në kimioterapi të re, kur flasim për sëmundjet malinje. Ne kemi një mesatare 8-7 operacione në ditë”, deklaron mjeku Xhumari.
