Kjo është një pije shumë e lehtë për t’u përgatitur dhe ndërkohë shijon si festë në një gotë. Është një mënyrë fantastike për t’u gëzuar me festat.
Përbërësit
- 2 mandarina
- 1 limon
- 1 limon jeshil
- 250 g sheqer pluhur
- 6 karafila
- 1 shkop kanellë
- 3 gjethe dafine të freskëta
- 1 arrëmyshk
- 1 vanilje
- 2 shishe verë të kuqe
Përgatitja
Hidhni sheqerin në një tigan të madh me nxehtësi të mesme dhe shtoni copa të lëkurës së limonit, si dhe lëngun e mandarinave të shtrydhura. Shtoni karafilat, kanellën, gjethet e dafinës dhe arrëmyshkun e grirë. Hidhni dhe gjysmën e sasisë së vaniljes dhe shtoni verë të kuqe thjesht sa për të mbuluar sheqerin. Lëreni në zjarr derisa sheqeri të shkrijë i gjithë në verën e kuqe dhe pastaj ngrijeni nxehtësinë derisa të arrijë temperaturën e zierjes. Vazhdoni ta trazoni për 4-5 minuta ose derisa të keni një shurup të trashë.
Kur shurupi të jetë gati, uleni nxehtësinë dhe shtoni dy shishet e verës. Lëreni verën me nxehtësi të ulët për rreth 5 minuta dhe kur të jetë e ngrohtë dhe e shijshme, hidheni në gota dhe shërbejeni.
