Të gjithëve na është shfaqur disa herë në jetën tonë një dhimbje koke bezdisëse, pasi ekspozimi ndaj diellit, zhurma intensive, orët e gjata para ekranit të kompjuterit, muzika me zë të lartë, stresi, pagjumësia ose gjumi “i keq” dhe konsumi i alkoolit janë vetëm disa shembuj të jetës sonë të përditshme që mund ta shkaktojnë lehtësisht atë.
Megjithatë, sipas hulumtimeve, disa ushqime mund të shkaktojnë edhe një problem të madh. Sipas ekspertëve dhe pas studimeve, ata që vuajnë nga migrena kanë më shumë mikroorganizma në gojë dhe zorrë që zbërthejnë shpejt nitratet.
Kjo shpjegon pjesërisht pse disa ushqime që përmbajnë nitrate duket se shkaktojnë migrenë. Kur këto kimikate zbërthehen nga bakteret në trup, ato shndërrohen në oksid nitrik në gjak, i cili zgjeron enët e gjakut dhe mund të shkaktojë dhimbje koke.
Tre ushqime tipike janë çokollata, vera dhe mishrat e përpunuar, siç janë salsiçet.
