Ministri Beqaj ka vendosur realizimin e testimit për bluzat e bardha, pa marrë parasysh kundërshtimet. Mbrëmë në panelin me mjekët ai u shpreh:
“Në këto 17 muaj kam qenë vetë prezent në aktivitete kur numërohen për kreditet që realizohen në mënyrë krejt formale. 
Infermierët dhe laborantët nuk janë pjesë e këtij sistemi. 1/3 e mjekëve nuk kanë marrë 150 kredite, pra duhet të ricertifikohen. Ky është një proces më i thellë se testimi që do bëjmë ne. Janë 190 mjekë me 0 kredite. Këta që nuk kanë marrë 150 kredite, janë mesatarisht me 65 kredite, pra kemi 1/3 e mjekëve të sektorit publik që do duhet brenda 6 muajsh të japin një provim të mirëfilltë. Testimi ynë bëhet për të vlerësuar edhe 2/3 që i morën kreditit, që sa të shëndetshme i kanë njohuritë. Në botë ato njohuri që merr, nuk të vlejnë më për më shumë se 5 vjet.
Kush ka më pak se 3 vjet për të dalë në pension nuk testohet, edhe ata që e kanë marrë licencën në 1 janar 2014 është shumë shpejt për t’i përfshirë në këtë testim. Ne do të fillojmë me spitalet universitare më 28 shkurt dhe 1 mars do fillojë testimi i infermierëve. Do jetë 60 minuta testim bazë përgjigjet me zgjedhje.
Në datën 6 mars do të nisë testimi për infermierët rajonalë. Por ka edhe një test të dytë që përfshin infermierët sipas specialitetit që kanë. Grupi i dytë i testimit sipas shërbimit ku punojnë infermierët, pra sipas specialitetit. Do i lëmë kohë deri në fund të marsit të njihen me paketën, pastaj në korrik dhe shtator do vazhdojë testimi i dytë”.
