Denisa Canameti
Në raste shumë të rralla ndodh që të shohësh sanitare të cilat kryejnë punën e tyre brenda spitaleve sipas rregullave të higjienës. Duket qartazi nga fotoja se sanitarja e SUT-së nuk i përdor dorezat dhe vazhdon të pastrojë çdo cep të kësaj zyre pa 
asnjë shqetësim për shëndetin e saj. Ironia më e madhe është se sanitarja në kushte të tilla, krejtësisht e pambrojtur pastron zyrën e dermatologes dhe infeksionistes.
Sigurisht që janë dy nga zyrat që kërkojnë një sterilitet të plotë, pasi risku i transmetimit të ndonjë infeksioni apo të ndonjë problemi tjetër lëkure mund të jetë shumë i madh. Ky nuk është një rast vetëm por është një fenomen që vihet re rëndom tek të gjitha punonjëset në të gjitha spitalet.
Mund të themi pa frikë që QSUT-ja dhe SUT-ja nuk janë shembulli më i mirë për sa i përket ruajtjes dhe përkujdesjes në ambientet e punës.
Ndërkohë që këto ditë një situatë ndryshe vihej re në ambientet e Sanatoriumit ku pjesa më e madhe e personelit shëndetësor shihej me maska në hundë për të parandaluar kështu mundësinë e transmetimit të ndonjë virusi të mundshëm.
