Për 1 kg miell duhen:
2-3 gota qumësht- 1 lugë gjelle kripë
- Pak kos
Përgatitja
Për trahana duhet miell i cilësisë së parë me përmbajtje të lartë gluteni.
Sitet mielli, hapet një gropë në mes, hidhet gjalpë i shkrirë pak (jo i djegur, i tretur), qumësht, pak kos dhe kripë.
Duke filluar nga mesi e përziejmë brumin pa e gatuar shumë, por aq sa të mos e thithë të gjithë miellin, te mbetet brumë i fortë dhe i shkrifët.
Sipër e spërkatim me miell, e mbulojmë dhe e lemë të vijë për 3-4 ditë e më tepër.
Pastaj e hapim copa – copa në çarçafë të pastër, e lemë të thahet pak, e shkriftojmë me dorë, e kalojmë në sitë të rrallë, e thajmë përsëri dhe e vendosim në qese prej pëlhure (beze) jo plastmasi.
Ruhet në vende të thata, pa lagështirë dhe të freskëta.
