Sëmundjet e veshkave vitet e fundit kanë tendencë rritjeje. 1 në 10 persona në Shqipëri vuan sot me sëmundje veshkash. Kjo statistikë është aktuale pasi semundjet e veshkave kanë prevaluar ne unison me disa sëmundje të tjera. Sipas mjekes se Spitalit te Elbasanit Zheni Gjergji , në një interviste 
mediatike situata e Qarkut te Elbasanit është në këto shifra, Problem sot për sot përben sipas sajë, ndërgjegjësimi i banorëve për tju drejtuar mjekëve specialistë të nefrologjisë, për të mos lejuar që të paraqiten te mjeku vetem pasi avancuar sëmundja, dhe kur ka prekur të dyja veshkat.
Dr. Zheni shprehet se situata në Elbasan është në prevalencë dhe incidencë si për të gjithë popullsinë shqiptare, që do të thotë se 1 në 10 banorë preket nga sëmundjet e veshkave. Sipas saj: “Kjo është incidenca jonë kombëtare. Ne sot mbulojmë plotësisht diagnostifikimin dhe trajtimin e sëmundjeve renale kronike”.
Situata në Elbasan ka një tendencë rritje, thekson Gjergji, për shkak të rritjes së sëmundjes së diabetit apo edhe të sëmundjeve të zemrës, të cilat shoqërohen me sëmundje renale kronike që është edhe faza përfundimtare e çdo të sëmuri. Ajo rekomandon që një i sëmurë me veshka duhet të vlerësojë mënyrën e të ushqyerit, konsumimin e nje sasie normale uji, i cili është një nga medikamentet më të lira dhe më të mira sot për sëmundjet e veshkave dhe natyrisht ndjekja e një kontrolli rutinë, si për analizat e gjakut, urinës, ekografi renale që duhen bërë minimalisht çdo tre muaj për të diagnostifikuar në kohë e parandaluar sëmundjet renale kronike./ Mark Brunga
