Janë të shumtë njerëzit që vuajnë nga problemet e tiroides. Dhe në fakt është një numër në rritje.
Problemet e tiroides janë komplekse dhe shfaqen me shenja të ndryshme. Një funksionim i dobët i 
gjendrës së tiroides shkakton lodhje, thonj të brishtë, rënie flokësh, rritje të peshës trupore në përpjesëtim të zhdrejtë me “aq pak sa ha”. Në të kundërt, kur tiroidja është shumë aktive, shkakton strumë, djersitje, rrahje të shpejta të zemrës, lodhje dhe dridhje muskulare. Në rast të tillë bëhet fjalë për hipertiroidizëm, që tek të moshuarit mund të shkaktojë probleme kardiologjike.
Çdo sëmundje e tiroides e ka kurën e saj. Parandalimi bazohet në stilin e duhur të jetës.
“Tiroidja është vetëm 7 cm dhe peshon më pak se 20 gramë e megjithatë cilësohet si bërthama e mirëqenies”, shprehet doktoreshë Silvia Miliaço, nutricioniste dhe endokrinologe e Universitetit të Romës. “E mban këtë emër, sepse me hormonet e saj drejton dhe ndikon të gjithë organet dhe indet e trupit, përfshirë zemrën dhe trurin. Në momentin në të cilin paraqitet një ndryshim i funksionimit të saj, ulje apo ngritje, metabolizmi bazë ndikohet në mënyrë domethënëse duke ndikuar gjithë organizmin. Fjala kyçe është parandalimi. Si realizohet kjo? Përmes asaj që sot quhet jodizim. Me fjalë të tjera, mjafton pak kripë e jodizuar: jo më shumë se 5 gramë në ditë. Peshku, krustacet, frutat e detit janë shumë të pasura me të”. / ANSA
Përshtati në shqip: A.Gjypi
