Ju dhemb koka pasi keni konsumuar sasi të madhe alkooli? Mos u shqetësoni më. Sipas studimeve të fundit, mund ta ndaloni atë duke u ushqyer si duhet.
Uji: Alkooli dehidraton trupin, prandaj tek uji mund të gjendet shpëtimi
Limoni: Provoni të shtoni 2 lugë çaji limon dhe një lugë çaji mjaltë në gotën e ujit dhe dhimbja e kokës do të kalojë.
Domatja: Ka përmbajtje të larta të vitaminës C dhe ndihmon trupin të luftojë toksinat.
Spinaqi: Çdo fletë ka në përbërje acid folik, squfur dhe vitaminë C. Të gjitha këto ju mbajnë larg nga dhimbja e kokës.
Kastravec turshi: Pijet alkoolike janë të varfra në përmbajtjen e vitaminave, prandaj pas konsumimit të tyre është mirë që trupi të marrë vitamina për t’u kthyer në gjendjen e mëparshme. Hani një kastravec turshi dhe do të ndjeheni më mirë.
Banania: Kur pini alkool, humbisni sasi kaliumi dhe kjo ju bën të ndjeheni të lodhur, të keni dhimbje koke apo të përziera. Banania është e lartë në kalium dhe ndihmon për parandalimin e këtyre simptomave.
Disa ushqime të tjera që mund të konsumoni në këto raste janë: fasulet, lëngu i frutave, buka integrale, vaji i ullirit, çaj kamomili, mjaltë, karrota, vezë./Cosmopolitan
