Në tryezën për sigurinë rrugore, organizuar nga OBSH-ja me mbështetjen e Ministrisë së Arsimit e Sportit dhe Ministrisë së 
Punëve të Brendshme, ekspertët kërkuan që puna të fillojë nga autoshkollat, pasi, sipas tyre, aty fillon edhe baza e problemit. Sigurisht, patentat e blera, patentat që u jepen njerëzve që nuk përmbushin kriteret për ta patur e ndër to edhe kriteret shëndetësore janë kthyer në problem serioz për sigurinë rrugore.
Kështu zv.ministrja e Shëndetësisë, Milva Ekonomi, u përfshi në një debat me një nga ekspertët ku iu kërkua që t’i hiqet e drejta shërbimit ambulator për lëshimin e dosjes shëndetësore, pasi nuk ka specialistë, sidomos nëpër rrethe. Kjo gjë u pranua edhe nga vetë zv.ministrja Ekonomi, e cila tha se është e ditur që numri i specialistëve në rrethe sidomos, nuk e mbulon dot numrin e madh të popullsisë. Si zgjidhje ministrisë iu propozua që ky shërbim t’u kalohet shërbimeve private, në mënyrë që të ketë më justifikime as për mangësi, as për cilësi./D.C.
