Nga mjekja Albana Daka
Literatura e mjekësisë së nutricionit referon për patologji të shumta të lidhura me intolerancën ushqimore. Patologjitë më të zakonshme me shkak intolerancës ushqimore janë:
• Probleme të aparatit tretës (meteorizëm, mostretje, ulcera duodenale, kolit ulceroz, diarre, sëmundja Crohn, sindromi i zorrës së irrituar, gastrit etj)
• Sëmundjet e lëkurës (ekzema, psoriazis, akne kryesisht në fytyrë, dermatit etj)
• Çrregullime metabolike (diabeti, kolesterol i lartë, amenorrhea, dismenorrhea etj)
• Sëmundje alergjike (riniti alergjik, bronkit, astma bronkiale etj)
• Dhimbje koke (migrenë, neuralgji)
• Kriza neurovegjetative, sëmundje mendore, epilepsi, disa forma të skizofrenisë.
• Artritis, artrozë, mialgji
• Hipertension, sëmundje të zemrës, takikardi, spazma e gjymtyrëve të poshtëm.
• Insufiçencë renale, cistit kronik, urinim i pavullnetshëm, infeksione vaginale, sterilitet
• Hipo dhe hipertiroidizëm
• Lodhje kronike, luhatje të humorit, kriza paniku, stres të vazhdueshëm.
E thënë me fjalë të thjeshta, intoleranca ushqimore është një “bombë në sistemin tonë imunitar”, një helmim i vazhdueshëm i organizmit tonë.
