Drejtori i Qendrës së Kontrollit të Barnave, Zhani Levani, është larguar nga detyra. Ky largim vjen pas 
publikimit të një rasti, ku Levani u përfshi në një konflikt me kushëririn e tij. Shkak i sherrit mendohet të kenë qenë bizneset e përbashkëta që ata kishin. Ndërkohë që sot, vetëm 15 muaj nga marrja e detyrës, Levani largohet. Vendin e Levanit mësohet se e ka zënë Onejda Ymeraj, e cila që prej një viti ishte e punësuar pranë një spitali privat.
Burimet zyrtare nga Ministria e Shëndetësisë bëjnë të ditur për “Shëndet+” se “Levani ka dhënë dorëheqjen për arsye personale”. /D.Canameti
