Denisa Canameti
Qentë e rrugës vazhdojnë të jenë një problematikë më vete. Jo vetëm që janë shtuar shumë, por janë kthyer edhe në rrezik të madh për jetën e qytetarëve.
Ndodh në vendin tonë që njerëzit të bëhen për spital në dyert e spitalit, kjo falë moskujdesit dhe mosinteresim të bashkisë për këtë situatë. Nëpërmjet ironisë në “Facebook”, mjekët tregojnë sesi para një jave një qen ka kafshuar një zonjë para onkologjikut. Sigurisht që rasti i zonjës jo vetëm që nuk është bërë publik, por as nuk ka mjaftuar për tu bërë “shembull” që dikush të reagojë përballë kësaj situate të frikshme. Pak kohë më parë, gazeta “Shëndet+” publikoi foton e mëposhtme ku tregohet se si qentë rrinë në qendër të Tiranës, në stacionin e autobusit.
