Dy ditë pas LSI, vendimin e kryeministrit Rama për ta kthyer Qendrën e Traumës sërish në Spital Ushtarak, e ka kundështuar edhe Partia Demokratike. LSI, me anë të ish ministrit të Shëndetësisë, Petrit Vasili, e quajti vendimin një hap prapa.
Edhe PD e quan njësoj: hap mbrapa. Qeveria shqiptare ka programuar kthimin e ish spitalit ushtarak e Qendrës Universitare të traumes, përsëri në vartësi të Ministrisë së Mbrojtjes.
Ky është një veprim i gabuar, që bie ndesh me zhvillimet pozitive në vite të asaj qendre mjekuese e univeristare, me vetë linjat e sistemit tonë spitalor. Pa asnjë dyshim ky është një hap mbrapa në këtë drejtim”, thuhet në reagimin e sotëm të Partisë Demokratike. Spitali Ushtarak u hoq nga vartësia e Ministrisë së Mbrojtjes dhe u vu në vartësi të Ministrisë së Shëndetësisë nën qeverinë Berisha, pjesë e së cilës ishte edhe LSI.
