Brenda muajit shtator kryeministri Edi Rama do të ketë një raport të plotë të gjendjes në të cilën ndodhet Spitali Universitar i Traumës. Grupi i punës po punon në monitorim dhe ky institucion pritet të kalojë në administrim të Ministrisë së Mbrojtjes. 
Ministri i Shëndetësisë Ilir Beqaj tha se nuk do të cenohet asnjë shërbim i pacientëve gjatë këtij procesi.
Pavarësisht se mjekët e Spitalit Universitar të Traumës i kërkuan kryeministrit Edi Rama të mos e kthente këtë institucion në administrimin e Ministrisë së Mbrojtjes, qeveria duket e vendosur se për të nuk ka kthim pas. Grupet e punës nga Ministria e Shëndetësisë, ajo e Mbrojtjes, dhe nga drejtoria e këtij spitali po bëjnë një motinorim të gjendjes në të cilën ndodhet Trauma dhe raporti do t’i dërgohet kryeministrit Rama brenda muajit shtator.
Ministri i Shëndetësisë Ilir Beqaj qetëson pacientët kur thotë se ndryshimi i administrimit nuk do të cenojë shërbimet ndaj pacientëve.
Vizioni i qeverisë në këtë rast është që Trauma të funksionojë bashkë më Shërbimin Kombëtar të Urgjencës. Nga ana tjetër Ministria e Mbrojtjes do të ketë rritje të GDP si një ndër kërkesat e NATO-s në lidhje me këtë çështje.
