Nëse do duhej të rendisnim ushqimet më të mira do duhet të zgjidhnim ushqimet të cilat përmbajnë në sasinë dhe larminë më të madhe ato lëndë ushqyese qe i nevojiten trupit për energji dhe një shëndet të mirë! Këto janë 11 ushqimet që mund të renditen të parat pasi ndihmojnë të rregullojmë kolesterolin, tensionin, forcojnë zemrën dhe jo vetëm:
1. BAJAMET, ARRAT, LAJTHITË – ndihmojnë stabilizimin e yndyrnave të cilat përbëjnë rrezik për arteriet. Për më tepër përmbajnë magnez, mineral kyç për metabolizmin.
2. AVOKADO – një frut i yndyrshëm i pasur me vitaminë E, një antioksidant i çmuar!
3. FASULET – kontrollojnë më së miri peshën trupore dhe tensionin arterial në sajë të fibrave dhe mineraleve të çmuar.
4. BROKOLI – së bashku me gjithë perimet e tjera me ngjyrë jeshile të fortë përbëjnë një burim të mirë përbërësish që luftojnë kancerin.
5. BORONICAT – dhe gjithë frutat e pyllit janë burim antioksidantësh veçanërisht të çmuar për zemrën, trurin dhe imunitetin.
6. PESHKU – sidomos peshqit e kaltër janë burim i acideve lyrore omega të cilët përbejnë armën më të fortë në mbrojtjen e sistemit kardiovaskular. Së fundmi janë vërejtur të luajnë rol mbrojtës edhe kundër kancerit të prostatës, kolonës dhe gjirit!
7. FARAT E LINIT – janë burim fibrash dhe acidesh lyrore omega të cilët ndihmojnë metabolizmin, si dhe forcojnë imunitetin.
8. HUDHRAT – një burim i fuqishëm përbërësish antimikrobial, si dhe një stabilizues i shkëlqyer i tensionit të lartë!
9. CAJI JESHIL – burim antioksidantësh, veçanërisht efikas në uljen e kolesterolit!
10. VAJI I ULLIRIT – me përbërien e tij unike në polifenole dhe flavonole ai ofron forcë antioksiduese të shkëlqyer duke mbrojtur arteriet dhe zemrën!
11. TËRSHËRA – një drith mjaft i pasur në fibra të cilat kanë veti të ulin kolesterolin dhe të ndihmojnë rënien në peshë!
Nëse i vendosni shpesh këto ushqime në dieten tuaj, mund të themi se jeni të mirë – ushqyer/ Blerina Bombaj, dietologe
