Shumë njerëz nuk janë në dijeni të rrezikut që mund të krijohet nga kombinimi/përzierja e produkteve të ndryshme që mund t’ju gjenden në shtëpi. Ju me anë të këtyre përzierjeve mund të krijoni elemente që mund të kenë efekte negative në shëndet.
Alkool dhe zbardhues: këtë përzierje nuk duhet ta bëni kurrë. Kombinimi i kloroformit me acidin klorhidrik është jashtëzakonisht i rrezikshëm. Nëse doni të përdorni zbardhues përdoreni pa e përzier me diçka tjetër.
Zbardhues me amoniak: përzierja e këtyre 2 elementeve krijon lëng toksik, i cili është i rrezikshëm sidomos për sytë dhe ju jep vështirësi në frymëmarrje.
Zbardhues klori me uthull: kur përzieni klor me çdo lloj acidi, përfshirë këtu dhe uthullën, mund të krijohet një formulë e rrezikshme sepse ky kombinim prodhon gaz toksik klori.
Sodë buke me uthull: edhe pse kjo përzierje është krejtësisht e natyrshme dhe mjaft efikase për pastrimin e paisjeve shtëpiake, ju duhet t’i qëndroni larg kësaj formule pastrimi.Soda e bukës ose bikarbonat natriumi reagon me acid acetik (që gjendet në uthull) duke prodhuar acetate natriumi, ujë dhe dioksid karboni. Uthulla sëbashku me sodën krijojnë flluska dhe nëse i vini në një enë të mbyllur ajo mund të shpërthejë.
Peroksid hidrogjeni me uthull: megjithëse shumë njerëz thonë se kjo është një përzierje e shkëlqyer për pastrim, ju nuk duhet t’i bashkoni këto përbërës, sidomos në të njëjtën enë sepse mund të çojnë në krijimin e acidit peracetik, i cili është shumë toksik dhe mund të dëmtojë lëkurën, sytë dhe sistemin e frymëmarrjes.
Përshtati në shqip për “Shëndet+”: Daniela Bardhi
Burimi: HealthOnlineCentral
