Këshilli i Ministrave vendosi sot që të akordoheshin 16 400 000 lekë për Kristi Mazen, djaloshin që bëri bujë në mediat 
shqiptare për nevojën urgjente për transplantin e mëlçisë. Vetëm dy ditë pasi media “News24” lajmëroi mbylljen e mbledhjes së fondeve për djaloshin, (pas grumbullimit të 165 000 eurove), qeveria jonë vendosi të lëvronte një fond për të.
Pak kohë më parë, ministri i Shëndetësisë Ilir Beqaj e konsideroi rastin e Kristit jo urgjent, ndaj nuk e pa të nevojshme përcjelljen e tij me ambulancë deri në aeroport.
Sot kur çështja “para” nuk përbën më pengesë për trajtimin e djaloshit, ministrat shqiptarë ndërmorën vendimin për të miratuar buxhetin për të.
