Një mjek ka goditur me grusht një pacient, i cili u përplas përtokë dhe si rrjedhojë gjeti vdekjen. Gazeta britanike “The Guardian” bën të ditur se videoja që tregon përplasjen u publikua në një nga televizionet shtetërore ruse, ndërkohë që ngjarja ka ndodhur në dhjetor në një spital në qytetin Belgorod të Rusisë.
Sipas hetimit të kryer rezulton se kirurgu Ilia Zelendinov ka goditur pacientin 56-vjecar, pasi ky i fundit kishte goditur më parë infermieren në dhomën e konsultës.
Videoja tregon se mjeku e ka shtyrë fillimisht pacientin duke i thënë: “Pse e preke infermieren?”. Pastaj e shtyn që të dalë nga dera. Kur pacienti kthehet sërish në dhomë, ai e godet me grusht. Më pas mjeku godet disa herë me grushta personin që shoqëronte pacientin, pa kuptuar se pacienti përtokë ishte në gjendje të rëndë.
Pas autopsisë rezultoi se shkak për vdekjen e pacientit ishte goditja e kokës në dysheme. Policia tha se mjeku nuk akuzohej për vrasje, pasi nuk kishte qenë qëllimi të vriste pacientin. “Nëse pacienti nuk do të kishte përplasur kokën në dysheme, ai nuk do të kishte vdekur”, thanë hetuesit./ Arlinda Gjypi
https://www.youtube.com/watch?v=60d-7OtlqbI
