Përshtati në shqip për “Shëndet+”: Daniela Bardhi
Infeksionet e traktit urinar janë një problem që mund të ndodhi si tek femrat ashtu edhe tek meshkujt. Shkaqet e këtyre infeksioneve janë të shumta, por shkaku më i zakonshëm është mënyra e papërshtatshme e jetesës dhe higjenës. Ja disa mënyra si t’i trajtoni infeksionet urinare:
Vitaminë C: konsumoni sasi të konsiderueshme të vitaminës C në baza ditore nëse vuani nga infeksionet e traktit urinar. Kjo vitaminë ju rrit sistemin imunitar dhe pengon ndërhyrjen e baktereve në fshikëz.
Ujë: pini sa më shumë ujë, pasi ai nxit urinimin e shpeshtë. Nëse nuk pini ujë në sasi të mjaftueshme, bakterret do të tkurren dhe do të ngjiten rreth fshikëzës. Nëse keni dhimbje bëni kompresa me ujë të ngrohtë në pjesën e fundme të barkut.
Ananasi: bromelaina e gjendur në ananas shërben për të luftuar infeksionet. Lëngu i ananasit do të ishte një zgjidhje ideale nëse vuani nga ky problem.
Lëng boronice: boronica ka cilësi shumë të mira antibiotike. Një kupë e vogël me boronica ose një gotë lëng boronice e mban fshikëzën e pastër dhe lufton infeksionin. Në këtë kohë, boronicat gjenden rrallë dhe kushtojnë shumë, në mungesë të tyre përdorni çaj boronice.
Sodë buke: në një gotë ujë shtoni një majë luge sodë buke. Uji me sodë neutralizon urinën dhe lufton infeksionin.
- Nëse ju vjen për të urinuar duhet ta bëni menjëherë, mbajtja e urinës shkakton grumbullimin e baktereve e viruseve.
- Femrat dhe meshkujt duhet të përdorin gjithmonë të brendshme pambuku.
- Kini kujdes me alkoolin, ai e irriton fshikëzën.
- Pastrohuni para se të kryeni marrëdhënie seksuale dhe urinoni pas saj.
- Shpangni konsumimin e tepërt të kafeinës sepse irriton fshikëzën. / Burimi: steptohealth
